„Mér fannst Afturelding betri í fyrri hálfleik og þar voru þær í raun óheppnar að skora ekki. En svo stigu mínar upp og voru að gera mjög góða hluti. Við fáum náttúrulega á okkur klaufalegt mark þar sem að er misskilningur á milli markmannsins og hafsentanna og mér fannst það gegn gangi leiksins,“ sagði Vanda Sigurgeirsdóttir, þjálfari nýliða Þróttar eftir tap gegn Aftureldingu í kvöld.
„Við vissum það fyrirfram að þetta yrði erfitt en mér fannst við alveg eiga skilið meira. Sérstaklega eftir því hvernig seinni hálfleikurinn þróaðist. En eins og ég sagð þá lágum við undir pressu í fyrri hálfleik og vorum svo að vinna okkur inn í leikinn. Þá verður þetta svo sárt.“
„Við lendum í því að við missum mjög mikilvæga leikmenn í meiðsli rétt fyrir mót. Það er sagt að það komi maður í manns stað en það er ekki alltaf þannig og við erum með frábæran markaskorara sem er meidd, Margréti Maríu, og það munar alveg rosalega um hana. Maður sér það bara að við erum minna oddhvassar fram á við,“ sagði Vanda meðal annars en hægt er að horfa á allt viðtalið við hana í sjónvarpinu hér að ofan.
