Lestu um leikinn: Breiðablik 1 -  3 Stjarnan

Stjörnumenn komust yfir í leiknum með marki frá Brynjari Gauta Guðjónssyni áður en Guðjón bætti við öðru eftir að hann hirti frákast úr vítinu sem Gunnleifur Gunnleifsson varði. Aron Bjarnason minnkaði muninn en Hilmar Árni Halldórsson gerði út um leikinn undir lok hans.

„Ég er mjög sáttur og ánægður með hvernig við brugðumst við í stöðinni 2-1. Þetta leit út á tímabili eins og við værum að fara að missa þetta niður en við töluðum okkur saman og ákváðum að halda þetta út og náðum að gera það," sagði Guðjón við fjölmiðla eftir leik.

Guðjón, Hólmbert Aron Friðjónsson, Baldur Sigurðsson og Hilmar Árni hafa leikið skemmtilega í sumar og virðast vera að mynda öflugt teymi fram á við en Guðjón tekur undir það.

„Við erum allir að skora mörk og vinna leiki, þannig maður getur ekki beðið um meira. Þetta á eftir að vaxa meðan formið vex."

„Það var svo langt síðan við höfum unnið en það var kominn tími á að við myndum taka sigur og við vorum vel gíraðir fyrir það."

Guðjón og Michee Efete, nýr varnarmaður Blika, tókust vel á í leiknum, en báðir fengu gult spjald fyrir að atast í hvorum öðrum.

„Hann er sterkur og það var vel tekið á. Ég held ég hafi náð að sparka duglega í andlitið á honum þegar hann tók hjólhest. Sá hefði steinlegið en neikvætt fyrir mig og hann."

Guðjón fiskaði vítaspyrnu er hann skaut í höndina á Efete og dæmdi Þorvaldur vítaspyrnu. Hólmbert fór á punktinn enn lét Gunnleif verja frá sér. Guðjón var mættur í frákastið og skoraði örugglega.

„Boltinn stefni að marki og boltinn fór klárlega í höndina á honum. Þetta var augljóst fyrir mér og gott að ná að setja hann inn.

„Ég hafði tilfinningunni fyrir því að Hólmbert færi að klúðra. Hann hefur verið svo „cocky" að hann klúðri ekki vítum, þannig ég var alltaf tilbúinn á kantinum og ég var á réttum stað þannig ég þakka honum fyrir þetta assist," sagði Guðjón í leikin.