„Það vilja allir koma á þetta eldfjallaland, þið eruð með svo mikla ástríðu fyrir fótboltanum og við fáum stundum brjálaðar hugmyndir. Þegar við byrjuðum á þessu höfðu ekki allir trú á þessu en þegar á þetta leið gekk þetta mjög vel. Við fengum góðar mótttökur hjá KSÍ og Reykjavíkurborg auk þess sem Manchester City og West Ham finnst frábært að koma til Reykjavíkur."

Fyrirtækið sem Ebrahim starfar fyrir var með tvö leiki í Svíþjóð í fyrra en hann sagði að Reykjavík hafi verið fyrsti valkostur hjá þeim í ár. En hvað á hann von á mörgum stuðingsmönnum frá Englandi?

„Þetta er fyrst og fremst leikur fyrir íslenska stuðningsmenn. Við treystum ekki á að fá stuðningsmenn frá Englandi, ef þeir eru hérna fyrir þá er þeim velkomið að koma á leikinn, en þetta er leikur fyrir íslenska fólkið."

Orðrómur hafði verið uppi um að Arsenal myndi koma hingað til lands og spila þennan leik ef liðið hefði ekki unnið enska bikarinn, FA Cup. Hvað segir Ebrahim við því?

„Við ræddum við mörg félög og Arsenal var eitt þeirra. Það var möguleiki, Arsenal voru mjög spenntir fyrir því að koma til Íslands en það voru City og West Ham líka og önnur félög sem við ræddum við. En það eru alltaf einhverjar breytur í þessu og niðurstaðan varð West Ham og Man City. Kannski verður það Arsenal næst."

Nánar er rætt við hann í sjónvarpinu að ofan.

Sjá einnig:
Smelltu hér til að lesa nánar um leikinn
Ætla að slá áhorfendametið á Íslandi
Guardiola: Reykjavík er stórkostleg borg
Bilic: Ísland fangaði hug allra í fyrra