fim 14. júní 2018 16:18
Ívan Guðjón Baldursson
Gimenez skrifar undir nýjan samning
Mynd: Getty Images
Úrúgvæski miðvörðurinn Jose Maria Gimenez er búinn að skrifa undir nýjan samning við Atletico Madrid.

Samningurinn gildir til 2023 og er innifalið söluákvæði upp á 120 milljónir evra.

Gimenez hefur verið mikilvægur hlekkur í vörn Atletico undanfarin ár en á nýliðnu tímabili fékk hann minni spilatíma en vanalega.

Orðrómar voru á kreiki um að Gimenez vildi yfirgefa Atletico en svo er ekki. Hann er 23 ára og getur spilað sem miðvörður og hægri bakvörður.
Athugasemdir
banner
banner
banner