UEFA hefur gefið út lista með þeim 10 leikmönnum sem voru bestir í Evrópu á síðustu leiktíð.

Einn af þessum tíu leikmönnum verður síðan krýndur besti leikmaður Evrópu þann 28. ágúst næstkomandi.

Á listanum eru margir þekktustu leikmenn heims líkt og Cristiano Ronaldo, Manuel Neuer og Lionel Messi. James Rodriguez, sem sló í gegn á HM í sumar, er einnig á listanum.

FC Bayern á flesta leikmenn á listanum, eða fjóra alls, á meðan Evrópumeistarar Real Madrid eiga þrjá.

Franck Ribery er handhafi nafnbótarinnar, en hann er ekki tilnefndur í ár.