„Þetta eru fyrst og fremst vonbrigði," sagði Gunnlaugur Jónsson, þjálfari ÍA eftir tap sinna manna gegn Grindvíkingum í kvöld.
Grindvíkingar fengu tvær vítaspyrnur í leiknum, og skoraði Andri Rúnar Bjarnason úr þeim báðum. Gunnlaugur vildi lítið tjá sig um vítaspyrnudómana.
„Ég er í voða erfiðri aðstöðu til þess að sjá hvort þetta sé víti eða ekki víti. Strákarnir tala um að seinna vítið hafi verið soft. Tala um einhverja bakhrindingu. Dómarinn var ekki einu sinni viss um hver það var sem hrinti. Ég man ekki betur en að við áttum að fá víti í fyrri hálfleik. En ég fæ voða lítið fyrir það að vera grenja um það núna."
Grindvíkingar fengu tvær vítaspyrnur í leiknum, og skoraði Andri Rúnar Bjarnason úr þeim báðum. Gunnlaugur vildi lítið tjá sig um vítaspyrnudómana.
„Ég er í voða erfiðri aðstöðu til þess að sjá hvort þetta sé víti eða ekki víti. Strákarnir tala um að seinna vítið hafi verið soft. Tala um einhverja bakhrindingu. Dómarinn var ekki einu sinni viss um hver það var sem hrinti. Ég man ekki betur en að við áttum að fá víti í fyrri hálfleik. En ég fæ voða lítið fyrir það að vera grenja um það núna."
Lestu um leikinn: Grindavík 3 - 2 ÍA
Skagamenn eru ekki í álitlegri stöðu í deildinni en liðið situr á botni Pepsi-deildar karla, sex stigum frá öruggu sæti.
„Það virðist oft fylgja liðum sem gengur illa og eru kannski í erfiðri period-u, þá er sjálfstraustið slæmt. Við mættum liði í dag sem hefur fengið svolítið af höggum á sig líka. Þess vegna er ég svolítið sár að fylgja ekki betur eftir góðum leik gegn KR, þar sem við vorum ofboðslega þéttir. Auðvitað fylgir það liðum sem eru að ganga illa, að hlutirnir falla ekki alveg með þeim."
Árni Snær Ólafsson var í marki ÍA í kvöld og átti hann ágætis leik. Gunnlaugur segir hann vera orðinn aðalmarkvörður liðsins.
„Árni byrjaði á móti KR, það var hans fyrsti leikur. Árni er aðalmarkvörður liðsins."
Tryggvi Hrafn Haraldsson gekk til liðs við Halmstad í Svíþjóði nú á dögunum og spilar hann því ekki meira með ÍA í sumar. Gunnlaugur segir þó að þetta hafi verið besta ákvörðunin fyrir alla aðila.
„Þetta var besta í stöðunni fyrir alla aðila. Auðvitað er þetta krítískur punktur að missa hann en menn verða einfaldlega að stíga upp."
Athugasemdir