Ásmundur var að vonum ekkert alltof sáttur með niðurstöðu leiksins í kvöld.
"Ég er mjög svekktur með niðurstöðuna. Mér fannst við byrja þetta vel, leikurinn var í jafnvægi og þeir bjarga tvisvar á línu. Stóri vendipunkturinn í þessu er vítaspyrnudómurinn, mark nr. 2. Mér fannst það strangur dómur og eftir það þurfum við að sækja framar á þá."

Um dómara leiksins sagði Ási:
"Ég er ekki hlustlaus í því en mér fannst hann bera svolitla virðingu fyrir þeim röndóttur og fyrra vítið er stór ákvörðun. Seinna vítið er þannig að KR-ingurinn er með boltann og hann sveiflar fætinum í Odd og hann dettur."

"Það er eitthvað í Evrópudrauminn ennþá"
Sagði Ási að lokum.