Theodór Elmar Bjarnason var á skotskónum þegar Randers vann sterkan 2-0 útisigur gegn Bröndby í dönsku Superligunni í dag.

Elmar, sem var frábær í 3-0 sigri Íslands gegn Tyrklandi á dögunum, skoraði fyrsta mark leiksins strax á 3. mínútunni. Hann fékk einnig gult spjald í leiknum.

Þá kom Hólmbert Aron Friðjónsson inn á sem varamaður á 72. mínútu leiksins fyrir Bröndby í sínum fyrsta leik fyrir félagið, en hann er á láni frá skosku meisturunum í Celtic.