Guðmundur Benediktsson, þjálfari Breiðabliks
,,Við viljum reyna að vinna alla leiki en þetta spilaðist á endanum þannig að ég er ekkert mjög ósáttur við eitt stig. Þetta var gríðarlega erfiður leikur og það var ekki mikið sem datt fyrir okkur í þessum leik og þess vegna ætla ég ekkert að vera að væla yfir því að hafa aðeins fengið stig úr þessum leik" sagði Guðmundur Benediktsson, þjálfari Breiðabliks eftir 1-1 jefntefli við ÍBV Í Vestmannaeyjum í dag.
Lestu um leikinn: ÍBV 1 - 1 Breiðablik
,,Mér fannst menn vera hálfhræddir við að spila boltanum, við hefðum getað spilað boltanum miklu betur í fyrri hálfleik, en komum af krafti inn í þetta í seinni hálfleik, héldum boltanum betur í seinni hálfleik og spiluðum með jörðinni og þess vegna er maður aðeins súr yfir því að hafa ekki náð að troða inn öðru marki," sagði Guðmundur.
,,Tölfræðilega séð erum við ekki sloppnir, við eigum þrjá leiki eftir og við þurfum að reyna að ná í eins mörg stig og mögulegt er, ég er mjög sáttur að hafa ekki tapað hérna, þetta stig getur reynst okkur dýrmætt þegar við teljum upp úr pokanum," sagði Gummi að lokum.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
