Magnús Gylfason, þjálfari Vals, hafnar því alfarið að Valsmenn hafi lagt upp með að sparka Aron Elís Þrándarson úr leiknum í dag. Leikurinn endaði 1-1 en Valur hefði þurft sigur til að eiga almennilega möguleika á Evrópusæti.
Magnús svaraði spurningum fjölmiðlamanna eftir leik og var fyrsta spurningin frá Guðmundi Marinó á Vísi sem spurði hvort það hafi verið hans upplegg að taka Aron úr leiknum?
Magnús svaraði spurningum fjölmiðlamanna eftir leik og var fyrsta spurningin frá Guðmundi Marinó á Vísi sem spurði hvort það hafi verið hans upplegg að taka Aron úr leiknum?
Lestu um leikinn: Víkingur R. 1 - 1 Valur
„Ég svara ekki svona barnalegum spurningum. Það er bara grín að hlusta á svona kjaftæði. Ég nefndi hann ekki einu orði á fundinum fyrir leik. Ef þið horfið á leikinn þá sjáið þið vel hvort liðið var að spila fótbolta," sagði Magnús.
„Heldurðu að það megi ekki brjóta á honum eins og öðrum leikmönnum? Góður leikmaður lendir í því að það sé brotið á honum. Það var ekkert skipulagt upplegg að brjóta á Aroni. Í alvöru talað strákar, ég tek ekki þátt í svona."
Viðtalið má sjá í heild sinni í sjónvarpinu hér að ofan.
Athugasemdir