Ótrúlegur leikur átti sér stað þegar Parma og AC Milan mættust í Seríu A, en lokatölur urðu 5-4 fyrir gestunum frá Mílanó.

Örskömmu fyrir leikslok, eftir að Jeremy Menez hafði skorað magnað mark fyrir AC Milan, fékk Parma smá von þegar hinn ungi Mattia Di Sciglio varð fyrir því óláni að skora herfilegt sjálfsmark.

Di Sciglio málaði sig svolítið út í horn og gaf boltann til baka á markvörðinn Diego Lopez, en þessi fyrrum markvörður Real Madrid tognaði þegar hann ætlaði að hlaupa á eftir boltanum, og missti hann í netið.

Parma tókst þó ekki að jafna, en þetta ótrúlega sjálfsmark má sjá hér að neðan.