Andreas Cornelius í leiknum í kvöld.
Andreas Cornelius, framherji FC Kaupmannahafnar og danska U21 landsliðsins, var að vonum ánægður eftir að liðið tryggði sér sæti í lokakeppni EM 2015 landsliða á útivallarmörkum gegn Íslandi.
Íslendingar og Danir gerðu 1-1 jafntefli á Laugardalsvelli, sem dugði Dönum til, og segir Cornelius að það hafi verið verðskuldað.
Íslendingar og Danir gerðu 1-1 jafntefli á Laugardalsvelli, sem dugði Dönum til, og segir Cornelius að það hafi verið verðskuldað.
,,Við erum mjög ánægðir. Auðvitað vorum við í vandræðum með að skora en við náðum markinu og erum mjög sáttir," sagði Cornelius við Fótbolta.net.
,,Við sköpuðum fleiri færi núna og það var kannski vegna þess að Ísland vildi fara hærra upp völlinn og það skapaði svæði fyrir okkur. Við náðum að nýta það svæði ágætlega og sköpuðum mörg færi."
,,Auðvitað var það mikill léttir þegar markið þeirra var dæmt af. Það réði úrslitum, þannig að við vorum mjög fegnir."
,,Það var gott að skora fyrir leikslok, en ég held að framlenging hefði hent okkur betur því þeir voru orðnir þreyttir og við sköpuðum mikið af færum. Það var bara tímaspursmál hvenær við myndum skora. Þetta er verðskuldað, við vorum betra liðið."
,,Ísland varðist mjög vel, þeir héldu leikáætlun og voru mjög agaðir og árásargjarnir og þeir reyndu allt hvað þeir gátu. En þeir voru ekki mjög góðir á boltanum og ekki mjög hættulegir. Þetta er erfitt lið til að mæta, þeir hefðu getað skorað úr föstu leikatriði. Það var erfitt að mæta þeim."
Athugasemdir
