Antonio Conte, knattspyrnustjóri Chelsea, var að vonum svekktur eftir 2-1 tap gegn Crystal Palace í ensku úrvalsdeildinni í dag.
„Við byrjuðum mjög illa og þetta var mjög erfiður dagur," sagði Conte við fjölmiðlamenn eftir leikinn.
„Við byrjuðum mjög illa og þetta var mjög erfiður dagur," sagði Conte við fjölmiðlamenn eftir leikinn.
„Við þurfum að átta okkur á því af hverju við töpuðum þessum leik. Við vorum án þriggja mikilvægra leikmanna í leiknum, en við verðum að finna lausnir þegar leikmenn eru meiddir."
„Það er erfitt að tapa þessum leikjum, en við verðum að takast á við stöðuna og gera okkar besta."
„Við verðum að taka hvern leik fyrir sig, þetta tímabil verður mjög erfitt á öllum sviðum. Við munum sjá hvað hefur gerst þegar tímabilinu lýkur, en við erum að reyna að byggja eitthvað mikilvægt, sem mun reynast okkur vel í framtíðinni."
„Eina lausnin sem ég kann í þessari stöðu er að vinna og vinna og vinna og vinna," sagði sá ítalski að lokum.
Athugasemdir