Conte hefur nú róað þá stuðningsmenn Chelsea sem héldu að hann væri með hugann við Ítalíu. Hann segist vera ánægðari núna með fjölskylduna sér við hlið.

„Ég vil að það sé á hreinu að fjölskylda mín er hjá mér. Dóttir mín er komin í skóla í Cobham, þar sem ég bý. Það er gríðarlega mikilvægt fyrir mig að hafa fjölskylduna með mér," segir Conte.

Hann segir að dóttir sín sé að upplifa nýja lífsreynslu en viðurkennir að hann telji að eiginkona sín, Elisabetta, sé ekki eins ánægð þar sem hún þurfi nú að vera viðstödd skapsveiflur eiginmannsins.

Chelsea er sem stendur í fjórða sæti ensku úrvalsdeildarinnar, sex stigum frá toppliðunum. Chelsea mætir Crystal Palace í dag klukkan 14.