Gestur þáttarins er af dýrari gerðinni. Það er sjálfur Ray Parlour sem varð þrívegis Englandsmeistari með Arsenal og fjórum sinnum bikarmeistari. Hann lék alls 339 leiki fyrir Arsenal á árunum 1992–2004.

Að sjálfsögðu verða strákarnir okkar í íslenska landsliðinu til umfjöllunar í þættinum og opinberað verður hver var besti leikmaður Íslands í liðinni undankeppni. Farið verður yfir meðaleinkunnir leikmanna í riðlinum.

Þá verður rætt við mennina bak við tjöldin í teymi íslenska landsliðsins. Þar á meðal Frey Alexandersson sem sá um að njósna um mótherja Íslands.

Jónas Guðni Sævarsson verður á línunni. Jónas og félagar í Keflavík komust upp í Pepsi-deildina á liðnu sumri en hann lagði svo skóna á hilluna. Rætt verður við Jónas um feril hans, sumarið hjá Keflavík og framhaldið.

Þá verður að sjálfsögðu fjallað vel um leik Liverpool og Manchester United í enska boltanum. Þegar leiknum lýkur verður rætt við Tryggva Pál Tryggvason af raududjoflarnir.is en hann mun gefa skýrslu frá leiknum.

Útvarpsþátturinn Fótbolti.net er á X-inu alla laugardaga kl. 12-14. Umsjónarmenn þáttarins eru Tómas Þór Þórðarson og Elvar Geir Magnússon. Hægt er að finna þá á X samfélagsmiðlinum undir @tomthordarson og @elvargeir.

Smelltu hér til að hlusta á upptökur úr eldri þáttum.

Þú getur hlustað á X-ið á netinu með því að smella hérna