Fótbolti.net

Bestur í Mjólkurbikarnum: Vakinn með símhringingu - „Á Jölla mikið að þakka"

Sigdís Eva: Vissum að við gætum þetta og sýndum það í leiknum

Pétur: Það var ekkert lið inni á vellinum

John Andrews: Vorum að spila gegn líklega besta liði landsins

Kallaði þetta gott eftir fimm hnéaðgerðir og fær góð ráð frá pabba sínum

Þurfti að róa Pablo eftir leik - „Leikmenn eiga ekki að skipta sér af áhorfendum“

„Ef þetta heldur svona áfram verða bara allir í banni eftir smá stund"

Hefði sætt sig við jafntefli - „Ég held að við höfum reynt 5 eða 6 plön í þessum leik“

Alex Freyr ósáttur: Þetta er bara sorglegt

Eysteinn á von á geggjuðum leik - „Jölli er alltaf Jölli í Portúgal"

Arnór Smára: Hafði persónulega mikla þýðingu fyrir mig

Draumadráttur Jökuls: Augnablik á stóran hluta af mínu hjarta og mun alltaf gera

Kjartan Henry: Hallgrímur sá ekki til sólar eftir það

Var vítaspyrnudómurinn í Árbæ rangur?

Lék sinn fyrsta leik í efstu deild og vildi víti - „Fann fyrir snertingu og lét mig detta"

Líður eins og Valsarar hafi tapað leiknum - „Hafði aldrei trú á því að hann væri að fara skora"

Arnar Grétars: Gerði mikið fyrir okkur að vera með frábæran markmann

Svekktur yfir því að vinna ekki Val - „Mjög dapurt víti, svo við tölum hreint út“

Jón Þór: Bíð jafn spenntur og þú

Viktor Jóns: Get skorað mörk hvar sem er

mán 14. nóvember 2016 14:00

Jóhann Ingi Hafþórsson

Hörður Björgvin: Í heildina flottur leikur hjá mér

Hörður Björgvin á æfingu í dag.

Mynd: Fótbolti.net - Elvar Geir Magnússon

„Auðvitað var erfitt að tapa á móti Króötum þegar þeir voru ekki upp á sitt besta. Við gátum skorað mörg mörk í fyrri hálfleik og vorum betri en þeir. Mér fannst þeir ekki geta neitt þá en aðstæður voru ekki góðar og það var erfitt að spila fótbolta á þessum velli," sagði Hörður Björgvin Magnússon við Fótbolta.net.

Hörður spilaði allan leikinn í vinstri bakverðinum er Ísland tapaði á móti Króatíu í undankeppni HM á laugardag. Hörður var gagnrýndur fyrir frammistöðu sína í leiknum.

„Varnarlega fannst mér ég flottur. Ég veit sjálfur að sendingarnar voru ekki góðar en þegar menn horfa á völlinn og spila á þessu þá fatta menn hvernig er að senda á þessu. Þetta voru holur og drulla út um allt. Auðvitað á ég að gera betur með það en í heildina flottur leikur hjá mér fannst mér."

Hörður hefur staðið sig vel sem miðvörður hjá Bristol City en í landsliðinu hefur hann leikið í vinstri bakverði.

„Þetta er öðruvísi staða og meiri hlaup. Þetta er varnarvinna og þegar ég fæ tækifærið þarf ég að sýna góða varnarmönnum. Ég var að eiga við bestu kantmenn í heiminum í leiknum og mér fannst ég stoppa þá vel. Ég get ennþá spilað vinstri bakvörðinn meðan ég er svona ungur."

Hörður vann marga skallabolta í leiknum í Zagreb en hann var ekki sáttur við dómgæsluna í leiknum.

„Þeir unnu ekki einn skallabolta á móti mér, ég vann þá alla. Þeir foru mikið að reyna að fiska á mann og dómarinn gaf þeim mikið sem hjálpaði þeim," sagði Hörður.

Viðtalið má sjá í heild sinni hér að ofan.