Fótboltakonan Anna Rakel Pétursdóttir var í gær valin íþróttamaður KA fyrir árið 2017. Tilkynnt var um valið á 90 ára afmælishátið KA sem fór fram í KA heimilinu á Akureyri í gær.
Anna Rakel varð Íslandsmeistari með Þór/KA á árinu og var valin í A-landsliðshóp Íslands í fyrsta skipti. Hún á þó enn eftir að spila leik með A-landsliðinu.
Anna Rakel varð Íslandsmeistari með Þór/KA á árinu og var valin í A-landsliðshóp Íslands í fyrsta skipti. Hún á þó enn eftir að spila leik með A-landsliðinu.
Hún var einn af lykilmönnum í Íslandsmeistaraliði Þór/KA síðasta sumar. Anna Rakel spilaði alla leiki liðsins sem vinstri vængbakvörður í leikkerfinu 3-4-3. Frammistaða hennar í þeirri stöðu gerði það að verkum að hún var valin í lið ársins í Pepsi deild kvenna hér á Fótbolti.net.
Í umsögn frá knattspyrnudeild KA sem tilnefndi Önnu Rakeli sem íþróttamann ársins hjá félaginu segir:
Anna Rakel er mikill KA-maður, góður liðsmaður og öflugur íþróttamaður sem átti frábært ár og er því vel að því komin að vera kandidat fyrir hönd knattspyrnudeildar í vali á Íþróttamanni KA 2017.
Athugasemdir