Jurgen Klopp, stjóri Liverpool, var sigurreifur eftir eins marks sigur á Man City í sjö marka leik í ensku úrvalsdeildinni í gær.
Félagaskipti Philippe Coutinho fóru líklega ekki framhjá neinum knattspyrnuáhugamanni en það var ekki að sjá að hans væri saknað í sóknarleik Liverpool í gær og hafði Klopp orð á því í leikslok.
„Að skora fjögur mörk nokkrum dögum eftir að Phil Coutinho yfirgefur félagið er stór yfirlýsing."
„Við sjáum til hvað þessi sigur mun gefa okkur. Það er ekki gott að fá á sig þrjú mörk en þegar við spilum svona góðan fótbolta kemur hitt á endanum," segir Klopp.
Athugasemdir