Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 15. janúar 2018 22:35
Ívan Guðjón Baldursson
Mourinho: Við erum ekki eina félagið sem vill Alexis
Mynd: Getty Images
Manchester United lagði Stoke City að velli með þremur mörkum gegn engu fyrr í kvöld.

Henrikh Mkhitaryan var ekki í leikmannahópi Rauðu djöflanna, rétt eins og Alexis Sanchez var ekki í hópi Arsenal í 2-1 tapi gegn Bournemouth í gær.

Jose Mourinho sagði eftir leikinn að framtíðin væri óljós. Alexis hefur verið orðaður afar sterklega við Man Utd og gæti Mkhitaryan farið yfir í staðinn.

„Stoke spilaði góðan fótbolta og olli okkur vandræðum oftar en einu sinni. Þeir voru óhræddir við að spila boltanum," sagði Mourinho að leikslokum.

„Framtíð Mkhitaryan er enn óljós. Hann gæti yfirgefið félagið í janúar en hann gæti líka verið áfram. Við erum ekki eina félagið sem vill Alexis - eins og staðan er í dag er hann leikmaður Arsenal.

„Ég veit ekki hvort hann komi til okkar eða ekki. Ég veit að það eru stór félög sem hafa áhuga á honum."

Athugasemdir
banner
banner
banner
banner
banner