Aron Sigurðarson er á mála hjá Tromsö og nú gæti Viktor Karl mögulega einnig gengið í raðir félagsins.

„Viktor er með sama umboðsmann (Total Football) og Aron. Við höfum fylgst með honum í þónokkurn tíma en það hefur verið svolítið erfitt því hann hefur ekki spilað marga leiki," sagði Svein-Morten Johansen yfirmaður íþróttamála hjá Tromsö í viðtali við iTromsø.

„Við höfum séð hann spila með U21 árs landsliðinu sem og á myndböndum. Þessi vika snýst fyrst og fremst um að sjá hann í okkar umhverfi."

Viktor Karl er fastamaður í U21 landsliði Íslands þar sem hann hefur skorað tvö mörk í átta leikjum.