Heimir Hallgrímsson landsliðsþjálfari og markvörðurinn Hannes Þór Halldórsson voru í Mónakó í gærkvöldi þar sem hin virtu Laureus verðlaun voru afhent.
Ísland var tilnefnt í tveimur flokkum. Íslenska landsliðið var tilnefnt í flokknum „Breakthrough of the Year" fyrir frammistöðuna ógleymanlegu á Evrópumótinu í Frakklandi. Formúlukappinn Nico Rosberg vann í þeim flokki.
Þá var Víkingaklappið sem leikmenn og stuðningsmenn tóku eftir sigurinn á Englandi tilnefnt í flokknum augnablik ársins. Þar var það U12 ára lið Barcelona sem vann verðlaunin.
Víkingaklappið var hins vegar að sjálfsögðu tekið á hátíðinni og Hannes stýrði því fyrir fólkið á svæðinu eins og sjá má hér að neðan.
Á meðal stjarna sem voru á hátíðinni voru hlauparinn Usain Bolt og sundmaðurinn Michael Phelps. Englandsmeistarar Leicester voru með sína fulltrúa á svæðinu og Hollywood leikarinn Hugh Grant var kynnir á hátíðinni. Hér að neðan má sjá Hannes stýra klappinu.
.@footballiceland goalkeeper, Hannes Halldórsson, brought the legendary Icelandic Thunderclap to the Laureus Awards!🇮🇸🇮🇸#Laureus17 pic.twitter.com/9mV9NHZHEn
— #Laureus17 (@LaureusSport) February 14, 2017
Athugasemdir