Alderweireld er að stíga upp úr meiðslum en var ósáttur við að vera ekki tekinn með í leikinn gegn Juventus í Meistaradeildinni á þriðjudag. Leikmaðurinn taldi sig leikfæran en Mauricio Pochettino ákvað að skilja hann eftir utan hóps svo hann gæti unnið að sínum málum í líkamsræktarsalnum.

Alderweireld var frá í næstum þrjá mánuði vegna meiðsla aftan í læri.

Reiknað er með því að hann spili um komandi helgi í bikarleik gegn C-deildarliðinu Rochdale.

Alderweireld, sem er 28 ára, á 18 mánuði eftir af samningi sínum við Tottenham og viðræður um nýjan samning víst ekki langt komnar. Flókin samningastaðan hefur vakið upp áhuga frá stórum félögum en Manchester City og Chelsea hafa einnig verið að horfa til hans á síðustu árum.

Möguleiki er fyrir Tottenham nýta sér það að framlengja samning Alderweireld sjálfkrafa um eitt ár sumarið 2019. En í samningnum ku vera klásúla um 25 milljóna punda riftunarákvæði sem gildir sumarið 2019, ekki fyrr en fjórtán dögum fyrir lok gluggans.