Berglind Björg Þorvaldsdóttir.
Arna Sif Ásgrímsdóttir og Berglind Björg Þorvaldsdóttir standa ennþá í deilu við ítalska félagið Hellas Verona en þær vilja losna undan samningi.
Arna og Berglind gengu í raðir Verona síðastliðið haust en þær vilja losna frá félaginu þar sem ekki er búið að standa við samninga.
Arna og Berglind gengu í raðir Verona síðastliðið haust en þær vilja losna frá félaginu þar sem ekki er búið að standa við samninga.
Berglind var í íslenska landsliðshópnum gegn Noregi í síðasta mánuði en hún er ekki í hópnum fyrir æfingamótið í Algarve.
„Þær hafa farið fram á riftun og þeirra mál eru í ferli hjá UEFA eða FIFA," sagði Freyr Alexandersson, landsliðsþjálfari, í dag.
„Þau eru að vinna hörðum höndum að þessu. Þetta hefur tekið ótrúlega langan tíma og þetta er ekki gott fyrir þær."
Líklegt er að Arna og Berglind leiki á Íslandi í sumar ef þær losna frá Verona.
Berglind var með Breiðabliki síðastliðið sumar og Arna lék með Val. Samkvæmt heimildum Fótbolta.net hefur Þór/KA hug á að fá Örnu aftur í sínar raðir en hún hóf meistaraflokksferil sinn þar.
Arna Sif Ásgrímsdóttir.
Athugasemdir
