Graham Potter hefur gert frábæra hluti með Östersund frá því að hann tók við 2010. Hann hefur komið félaginu upp um þrjár deildir og komst í sögubækurnar fyrir áramót.
Östersund sló Galatasaray og PAOK úr undankeppni Evrópudeildarinnar, komst upp úr riðlinum ásamt Athletic Bilbao og sendi Hertha Berlin heim.
Östersund sló Galatasaray og PAOK úr undankeppni Evrópudeildarinnar, komst upp úr riðlinum ásamt Athletic Bilbao og sendi Hertha Berlin heim.
Liðið mætti Arsenal í 32-liða úrslitum Evrópudeildarinnar fyrr í kvöld og tapaði 3-0 á heimavelli eftir slæma byrjun. Heimamenn fengu vítaspyrnu í síðari hálfleik sem David Ospina varði.
„Við vorum ólíkir sjálfum okkur í byrjun. Við spiluðum of djúpt og hefðum getað lent mörgum mörkum undir en sluppum vel," sagði Potter.
„Við sýndum hvers við erum megnugir í síðari hálfleik. Það er synd að við höfum ekki skorað úr vítaspyrnunni en ég er mjög stoltur af viðbrögðum strákanna.
„Arsenal er besta lið sem við höfum nokkurn tímann mætt og eitt af bestu liðum keppninnar. Þeir skildu lykilmenn eftir heima en voru samt með tvo heimsmeistara í byrjunarliðinu."
Athugasemdir
