Rabiot horfir á Isco með boltann í leiknum í gær.
Adrien Rabiot, hinn 22 ára miðjumaður PSG, reyndi ekki að leyna vonbrigðum sínum eftir 3-1 tapið gegn Real Madrid í fyrri viðureign liðanna í 16-liða úrslitum Meistaradeildarinnar.
Rabiot kom PSG yfir í leiknum en er ekki sáttur við hvernig hans lið hrundi frá þeirri forystu.
Rabiot kom PSG yfir í leiknum en er ekki sáttur við hvernig hans lið hrundi frá þeirri forystu.
Cristiano Ronaldo skoraði tvö mörk í röð og Marcelo átti svo lokaorðið.
„Þetta eru vonbrigði. Við byrjuðum á því að gera þá hluti á vellinum sem við þurftum að gera. En við segjum alltaf það sama, við gerum alltaf það sama og erum alltaf slegnir á jörðina á sama hátt," sagði Rabiot svekktur.
Rabiot segir að það hjálpi PSG ekki í Meistaradeildinni að fá ekki marga öfluga andstæðinga heima í deildinni.
„Það er voða fínt að skora átta mörk gegn Dijon, en það er í svona leikjum sem menn þurfa að stíga upp og hlutirnir telja. Það er mjög pirrandi að við létum leikinn renna okkur úr höndum. En við skulum ekki vera of neikvæðnir. 2-0 sigur heima í París er klárlega möguleiki."
Seinni leikurinn verður 6. mars.
Athugasemdir
