Miðvörðurinn öflugi Milan Skriniar hjá Inter hefur stigið fram eftir að rangt var haft eftir honum í fjölmiðlum.
Skriniar, sem er Slóvaki, átti að hafa lýst því yfir að hugur sinn væri að reika til Real Madrid, Barcelona, Manchester City og Manchester United.
Skriniar, sem er Slóvaki, átti að hafa lýst því yfir að hugur sinn væri að reika til Real Madrid, Barcelona, Manchester City og Manchester United.
„Ég hef aldrei hugsað út í það eða sagst vilja yfirgefa Inter," skrifaði Skriniar á Instagram.
„Það er heiður fyrir mig að vera hjá Inter. Ég veit ekki hver þýddi þessi orð frá viðtali við mig í Slóvakíu en hann gerði það ekki mjög vel!"
Skriniar er á sínu fyrsta tímabili hjá Inter en þessi 23 ára leikmaður hefur verið einn besti varnarmaður Evrópufótboltans á þessari leiktíð. Inter hefur þó verið að gefa eftir í ítölsku A-deildinni eftir góða byrjun, liðið situr nú í þriðja sæti en langt er í toppliðin Napoli og Juventus.
Athugasemdir