„Sá sem gaf út þessa yfirlýsingu fær að heyra það," sagði Allardyce á fréttamannafundi nú rétt í þessu.

„Vonandi verður Gylfi frá keppni í styttri tíma en við búumst við. Ég hef alltaf talið að það sé rangt að tala um tíma þegar kemur að meiðslum. Þú vilt koma í veg fyrir bakslag. Ef hægt er að komast fyrr af stað þá hefur þú staðið þig vel."

„Við skoðum þetta á næstu tveimur vikum. Þetta fer eftir því hversu fljótur leikmaðurinn er að jafna sig. Gylfi er ákveðinn í að snúa aftur með okkur og íslenska landsliðinu fyrir HM."

Gylfi meiddist þegar hann lenti illa eftir að hafa gefið sendingu í leiknum gegn Brighton.

„Það voru stór kaup hjá Everton að fá hann og þetta er áfall. Þessir áverkar voru óheppni. Ég sem stjóri og starfsfólk mitt vill ekki lenda í of miklum meiðslum en þú getur ekki forðast svona meiðsli," sagði Sam en hann vonast til að sjá Gylfa spila meira í ensku úrvalsdeildinni á þessu tímabili.

Síðustu 4 leikir Everton á tímabilinu
21. apríl Newcastle (H)
28. apríl Hudderfield (Ú)
5. maí Southampton (H)
13. maí West Ham (Ú)

Gylfi verður ekki með íslenska landsliðinu gegn Perú og Mexíkó í næstu og þarnæstu viku vegna meiðsla. Ísland mætir Noregi í vináttuleik á Laugardalsvelli þann 2. júní og þá er stefnt á annan vináttuleik 6. júní. Gylfi ætti að ná að æfa í einhverjar vikur áður en kemur að þessum leikjum.