„Það er spurning hvenær tilboð er tilboð. Þetta var nær því að vera fyrirspurn og að hitt hafi verið fyrir frímerki," sagði Jón Rúnar við Fótbolta.net í dag.

„Það er komin ný stjórn þarna og ég er ekki alveg búinn að læra á húmorinn hjá því en ég hef alltaf gaman af því þegar fólk er með húmor."

Lennon hefur verið í lykilhlutverki hjá FH síðan hann kom frá Sandnes Ulf um mitt sumar 2014. Jón Rúnar segir að hann sé ekki til sölu.

Í fyrra skoraði hinn þrítugi Lennon samtals fimmtán mörk í Pepsi-deildinni og var næstmarkahæsti leikmaður deildarinnar.