Cantona er að kynna sér íslenska fótboltamenningu og verður á Íslandi næstu daga.

Hann mætti á Ölver í Glæsibæ síðdegis í dag til að skoða barinn þar sem Heimir Hallgrímsson spjallar alltaf við dyggustu stuðningsmenn landsliðsins á leikdögum.

Á Ölveri hitti hann nokkra meðlimi Tólfunnar og gaf sér tíma til að gefa af sér við aðdáendur.

Íþróttafréttamaðurinn ástsæli Tómas Þór Þórðarson er sérstakur fararstjóri Cantona hér á Íslandi.

Ekki er talið útilokað að Cantona mæti á Pub Quiz Fótbolta.net í kvöld.