Guðni Bergsson, formaður KSÍ, segir að það hafi verið léttir að fá þær fréttir í gær að Gylfi Þór Sigurðsson verði klár í slaginn fyrir HM í sumar þrátt fyrir hnémeiðsli.
„Það var erfitt að heyra fyrstu fréttir. Maður hafði áhyggjur af því að þetta væru mjög slæm meiðsli. Síðustu fréttir voru betri. Hann á að vera kominn vel í gang fyrir mótið og það voru mjög ánægjulegar fréttir," sagði Guðni við Fótbolta.net í dag.
Sam Allardyce, stjóri Everton, var stjóri Guðna hjá Bolton á sínum tíma og þeir halda ennþá sambandi í dag. Guðni vonast til að Sam fari varlega með Guðna eftir meiðslin.
„Ég er búinn að tala við Sam. Ég sagði við hann 'C'mon son.' Ég bað hann um að spila honum í holunni í fyrsta lagi, þar á hann að vera, og ég bað hann um að fara vel með okkar mann," sagði Guðni.
„Gylfi er svo duglegur. Hann meiðist þarna en það bítur ekker á hann og hann spilar áfram meiddur. Sem betur fer þá er þetta betra en það leit út í fyrstu."
Hér að ofan má sjá viðtalið.
Athugasemdir