Marcus Rashford, lítill í sér.
Leikmenn Manchester United frestuðu ferð á Cheltenham veðreiðarnar eftir að þeir féllu út úr Meistaradeildinni. Liðið ætlaði að taka sér frídag í þessari viku og skella sér á veðreiðarnar sem eru hrikalega vinsælar á Bretlandseyjum.
Mirror segir að leikmennirnir hafi verið svo óánægðir með sína frammistöðu gegn Sevilla að þeir hafi sjálfir hætt við frídaginn. Ekki er vitað hvort Jose Mourinho hafði eitthvað að segja í þeirri ákvörðun.
Sevilla vann 2-1 útisigur gegn United á Old Trafford á þriðjudaginn og sló enska stórliðið úr leik í Meistaradeildinni. Sigur Sevilla var fyllilega verðskuldaður.
Sjá einnig:
Innkastið - Harkaleg brotlending Mourinho
Athugasemdir
