Vestri hefur fengið kantmanninn Sergine Modou Fall til liðs við sig frá ÍR fyrir átökin í 2. deildinni í sumar.
Fall spilaði með Vestra 2015 og fyrri hluta sumars 2016 áður en hann gekk í raðir ÍR.
Á síðasta tímabili skoraði Fall fjögur mörk í 21 leik í Inkasso-deildinni með ÍR.
„Við bjóðum Fall velkominn til baka og hlökkum til að sjá hann spila í sumar með liðinu," segir á heimasíðu Vestra.
Fall er annar leikmaðurinn sem Vestri fær í sínar raðir í vikunni en í fyrradag kom spænski framherjinn Javier Lopez Munoz til félagsins.
Athugasemdir