„Þetta var erfiður leikur en á endanum unnum við. Þetta var opinn leikur gegn mjög góðu liði og erum við ánægðir með útkomuna," sagði Wenger að leikslokum.

„Við þurfum að bæta okkur varnarlega, við eigum oft erfitt með að verjast."

Wenger segist, rétt eins og aðrir leikmenn sem voru teknir í viðtal, ekki hafa séð meinta dýfu Danny Welbeck í leiknum. Welbeck fiskaði vítaspyrnu og skoraði jöfnunarmark sex mínútum fyrir leikhlé.

„Ég gef ykkur heiðarlegt svar þegar ég sé endursýningu. Ég ætla ekki að ásaka Welbeck um að dýfa sér fyrr en ég sé endursýningu."

Þá tekur Wenger eitt lið fram sem hann vill ekki mæta í 8-liða úrslitunum. Það ætti að vera flestum augljóst hvaða lið það er.

„Við viljum klárlega ekki mæta Atletico Madrid í næstu umferð, en við höfum enga stjórn á hverjum við mætum næst."