Carvalho er miðjumaður sem mun kosta United 37 milljónir punda. Þessi portúgalski landsliðsmaður spilar með Sporting Lissabon.

Umboðsmaður leikmannsins fékk skoðunarferð um æfingasvæði Manchester United í síðustu viku og sagt er að gengið verði frá málum fyrir HM í Brasilíu.

William Carvalho hefur verið orðaður við ýmis félög, þar á meðal Chelsea.

Yfirstandandi tímabil er mikil vonbrigði fyrir United en knattspyrnustjórinn David Moyes er ákveðinn í að endurnýja leikmannahópinn í sumar. Hann er bjartsýnn á að geta krækt í Toni Kroos frá Bayern München þrátt fyrir að United taki ekki þátt í Meistaradeildinni næsta vetur.

Moyes vonast einnig til að geta tryggt sér þjónustu vinstri bakvarðarins Luke Shaw sem leikur fyrir Southampton.