Njarðvíkingar, sem leika í annarri deild, hafa styrkt sig meira fyrir komandi átök í sumar, en liðið hefur fengið tvo lánsmenn frá Keflavík. Þetta kemur fram á vef félagsins.
Liðið hefur fengið þá Viktor Smára Hafsteinsson og Kristinn Björnsson frá félögum þeirra í Keflavík.
Viktor Smári er 21 árs gamall, en hann hefur æft og spilað með Haukum í vetur. Hann á að baki 18 leiki með Keflavík í bæði deild og bikar.
Kristinn Björnsson þekkir nokkuð vel til í Njarðvík, en hann á 187 leiki að baki fyrir félagið, en þá á hann einn leik að baki með Keflvíkingum.
Þeir verða komnir með heimild er Njarðvík mætir Dalvík/Reynir á Njarðtaksvellinum á laugardag.
