Lestu um leikinn: Fylkir 2 -  0 Fram

Fylkir voru heilt yfir betri aðilinn í leiknum og sköpuðu sér mikið af færum í fyrri hálfleik en markið kom ekki strax og allt stefndi í 0-0 í hálfleik þegar Hákon skoraði í uppbótartíma með flottu marki. Helgi sagðist vera sáttur við fyrri hálfleikinn.

„Ég var mjög sáttur við fyrri hálfleikinn og það eina sem að vantaði var markið og það kom síðan þarna í lokin og í raun á besta tíma fyrir okkur."

Helgi var ánægður með Hákon í kvöld og sagði að afgreiðslan hans í markinu hafi verið eins og hann sjálfur myndi gera þetta

„Þetta var frábært mark, frábærlega gert hjá Hákoni og hann gerði þetta nákvæmlega eins og ég myndi gera þetta," sagði og brosti.

„Hann hefði getað skorað fleiri, en hann átti frábæran leik, eins og í raun allt liðið."

Eftir leikinn í kvöld er Fylkir komið í efsta sæti Inkasso-deildarinnar.