Ævar Ingi Jóhannesson, var besti leikmaður KA í kvöld þegar liðið tapaði 2-1 fyrir Leikni í Breiðholti.
Lestu um leikinn: Leiknir R. 2 - 1 KA
„Þetta var frábær leikur og ég er gríðarlega svekktur. Hér voru að mætast tvö topplið," sagði Ævar eftir leikinn.
Ævar jafnaði fyrir KA í 1-1 í fyrri hálfleik en markið var ekki dæmt gilt. Aðstoðardómarinn flaggaði rangstöðu og KA-menn voru brjálaðir. Viða báðum hann um að lýsa atvikinu.
„Ég kem upp vinstra megin og sendi inn í teiginn, boltinn fer af varnarmanni Leiknis og beint í mig og inn. Línuvörðurinn flaggaði rangstöðu en ég held að það sé ekki rétt samkvæmt reglubókunum."
„En Leiknir er með gæði fram á við og refsaði okkur vel í dag. Leiknir hefur flott lið og mér fannst við eiga skilið að vera þarna uppi."
Viðtalið má sjá í heild í sjónvarpinu hér að ofan.
Athugasemdir