fös 15. ágúst 2014 13:52
Elvar Geir Magnússon
Cuadrado á förum? - Ekki í hópnum hjá Fiorentina
Cuadrado með félögum sínum í Kólumbíu.
Cuadrado með félögum sínum í Kólumbíu.
Mynd: Getty Images
Athygli vekur að Kólumbíumaðurinn Juan Cuadrado var ekki valinn í leikmannahóp Fiorentina sem mætir Real Madrid í æfingaleik á morgun.

Framtíð Cuadrado hefur mikið verið í umræðunni en leikmaðurinn hefur verið sterklega orðaður við Manchester United og Barcelona.

Daily Mail segir að þessi 26 ára leikmaður hafi ekki ferðast með Fiorentina í æfingaleikinn sem verður í Varsjá og gefur það sögusögnum um það að hann sé á förum byr undir báða vængi.

Cuadrado er vængmaður sem skorað hefur 20 mörk í 83 leikjum fyrir félag sitt en frammistaða hans með landsliði Kólumbíu á HM vakti athygli.
Athugasemdir
banner
banner
banner
banner
banner