Ejub Purisevic þjálfari Víkings Ólafsvíkur var ánægður með sigur sinna manna gegn Þrótti í dag og sagði sigurinn vera sanngjarn.
,,Þetta var flottur leikur hjá okkur, við vorum agaðir og spiluðum á köflum mjög vel."
Víkingar komust yfir þegar minna en mínúta var liðin af leiknum.
,,Það gerist ekki oft hjá okkur, ég sá í rauninni ekki hvað gerðist."
,,Ég er mjög ánægður, eftir allt sem hefur gengið á undanfarið. Það eru menn meiddir eða í banni. Mér finnst frábært að koma hingað og vinna mjög gott Þróttara lið"
Ejub vildi ekki tjá sig um fimm leikja bannið sem Eyþór Helgi Birgisson fékk eftir leik liðsins við Grindavík í síðustu umferð.
,,Nei, alls ekki, ég er að þjálfa liðið og ég er að hugsa um það."
Athugasemdir