Markvörðurinn Eyjólfur Tómasson hefur átt frábært sumar hjá Leikni. Hann átti hreint magnaða markvörslu í kvöld og kom í veg fyrir að KA næði að jafna í lok leiks. Leiknismenn nálgast Pepsi-deildina óðfluga.
Lestu um leikinn: Leiknir R. 2 - 1 KA
„Ef ég mætti velja aðstæður sem væru alltaf í fótbolta þá er það þetta. Það var logn, smá blautt og nokkuð hlýtt," sagði Eyjólfur eftir leik.
„Ég held að ekkert lið hafi komist upp með 39 stig svo það er nóg eftir. Við tökum Selfoss næst. Manni líður vel. Það er gott að spila í góðu liði."
Viðtalið má sjá í heild sinni í sjónvarpinu hér að ofan.
Athugasemdir