Þjálfarar Leiknis. Davíð Snorri Jónasson og Freyr Alexandersson.
Leiknismenn tóku enn eitt skrefið í átt að Pepsi-deildinni þegar þeir unnu KA í hörkuleik í 1. deildinni í kvöld 2-1.
Lestu um leikinn: Leiknir R. 2 - 1 KA
„Þetta var skemmtilegur leikur á að horfa en erfitt fyrir þjálfara að sitja á bekknum og fylgjast með. Völlurinn var blautur og mikið af lausu grasi eftir sláttinn svo menn voru mikið að renna," sagði Freyr Alexandersson, annar af þjálfurum Leiknis.
„Þegar spennustigið er hátt getur það farið í taugarnar á mönnum þegar dómarinn leyfir mikið eins og í kvöld. Mér finnst það yfirleitt skemmtilegra. Dómarinn leyfði mikið en missti aldrei leikinn."
„Það var stór dómur í fyrri hálfleik þegar þeir skora mark sem var dæmt ógilt, ég held að hann hafi verið rangur. Ég held að hann hafi verið rangur. Fyrir utan það þá get ég ekki séð að dómgæslan hafi hallað á þá."
„Það eru 39 stig komin. Við eigum sex leiki eftir og við þurfum að passa að njóta þess að sjúga þetta í okkur meðan það gengur vel. Við ætlum okkur að ná í 43 stig að minnsta kosti en meðan við spilum svona söfnum við eins mörgum stigum og við getum. Við bíðum með að fagna þar til það er komið (Staðfest) á Fótbolta.net að Leiknir sé komið í Pepsi-deildina."
Viðtalið má sjá í heild í sjónvarpinu hér að ofan.
Athugasemdir
