KR og Keflavík mætast í úrslitum Borgunarbikars karla á morgun klukkan 16 á Laugardalsvelli. Fótbolti.net ræddi við Harald Frey Guðmundsson, fyrirliða Keflavíkur, í Laugardalnum í gær.
„Þetta er klárlega stærsti leikur ársins og ótrúlega gaman að vera komnir alla leið. Ég keppti síðast til úrslita þegar við unnum 2004, ég ætlaði að horfa á hann um daginn en hann var bara til á spólu svo ég gat ekki horft á hann," sagði Haraldur.
„Við eigum möguleika á að vinna bikar og ætlum að gera það. Við höfum tapað báðum deildarleikjunum við KR en það verður allt annar leikur á laugardaginn. Þegar út í leikinn er komið á laugardaginn gleymist staðan í deildinni."
Viðtalið má sjá í heild í sjónvarpinu hér að ofan.
Athugasemdir