Mertesacker er þriðji leikmaður Þýskalands sem hefur hætt á síðustu vikum en Philipp Lahm og Miroslav Klose hættu einnig með landsliðinu fyrir skemmstu.

Hinn 29 ára gamli varnarmaður er búinn að leika 104 leiki með liðinu og var hluti af liðinu sem varð fyrsta lið innan Evrópu til að vinna HM í Suður Ameríku.

Mertesacker mun nú einbeita sér að því að spila með Arsenal en hann fékk lengra frí eftir HM ásamt Mesut Özil og Lukas Podolski sem einnig leika með Arsenal.