Brendan Rodgers, stjóri Liverpool, stefnir að fá nýjan framherja til félagsins áður en félagaskiptaglugginn lokar um mánaðarmótin.
Luis Suarez fór til Barcelona í sumar en Liverpool hefur á móti fengið framherjana Rickie Lambert frá Southampton og Divock Origi frá Lille. Origi verður í láni í Frakklandi á komandi tímabili og Rodgers vill fá einn framherja til viðbótar áður en glugginn lokar.
Luis Suarez fór til Barcelona í sumar en Liverpool hefur á móti fengið framherjana Rickie Lambert frá Southampton og Divock Origi frá Lille. Origi verður í láni í Frakklandi á komandi tímabili og Rodgers vill fá einn framherja til viðbótar áður en glugginn lokar.
,,Við höfum ekki fengið framherja fyrir utan Rickie Lambert og við stefnum á að fá annan inn," sagði Rodgers á fréttamannafundi í dag.
,,Ef við gerum það ekki þá þýðir það að rétti leikmaðurinn hafi ekki verið falur. Ef það verður niðurstaðan þá held ég áfram með hópinn sem við höfum og fer ánægður inn í tímabilið með hann."
Athugasemdir