Rúnar Páll þjálfari Stjörnunnar var að vonum sáttur með sína menn í lok leiks Vals og Stjörnunnar sem lauk með 2-1 jafntefli. Stjarnan náði toppsætinu fyrir stundarsakir af FH en FH á leik til góða, auk þess eiga Stjarnan leik við stórlið Inter Milan í næstu viku, en það virtist ekki trufla þá mikið.
Lestu um leikinn: Valur 1 - 2 Stjarnan
,,Þetta var fínn sigur, fínt skipulag og fín þrjú stig. Við ætlum að vera þarna í baráttunni um þennan titil og þetta var mikilvægur leikur fyrir okkur og ekkert erfitt að mótivera menn fyrir það," sagði Rúnar Páll í sambandi við Fótbolta.net.
,,Við tökum bara einn leik í einu, núna erum við að berjast um að vera á toppnum í Pepsi-deildinni og við kláruðum þennan leik og það er bara mjög gott. Síðan er bara næsta verkefni Inter á miðvikudaginn."
Arnar Már Björgvinsson, einn besti maður Stjörnunnar á þessu tímabili er á leið út í Háskóla í Bandaríkjunum.
,,Arnar var hérna í dag, hann ætlaði ekki að vera hérna í dag. Hann átti að fara út um helgina en hann vill ekki fara frá okkur þegar þetta er svona, hann verður allavega með okkur út ágúst."
Viðtalið í heild sinni má sjá hér að ofan.
Athugasemdir