Bjarni var ekki sáttur eftir tapið.
Bjarni Guðjónsson þjálfari Fram var ekki sáttur með sína menn í lok leiks Fram og Fjölnis sem endaði með 1-3 tapi þeirra bláklæddu. Þetta tap gerir Fram erfitt fyrir sem eiga erfiða leiki eftir og eru komnir í fallsæti.
Lestu um leikinn: Fram 1 - 3 Fjölnir
,,Þetta var vægast sagt dapurt. Undirbúningurinn var fínn, markmiðin voru skýr fyrir leikinn en svo komum við inn í leikinn og þá klikka sendingar, hlaup, færslan er hæg og upphlaupið lélegt og það var í raun ekkert að virka eins og við höfðum lagt það upp og við það missa menn sjálfstraust," sagði Bjarni í samtali við Fótbolta.net.
,,Menn áttuðu sig alveg á mikilvægi leiksins, spurningin er hvort það hafi verið of mikið stress."
Þrjár umferðir eru eftir og eiga Fram meðal annars eftir að spila gegn FH í Kaplakrika og Stjörnunni í Garðabæ.
,,Þetta eru búnar að vera úrslitleikja hrynur hjá okkur, í dag töpuðum við einum úrslitaleik og um næstu helgi er annar úrslitaleikur. Þar þurfum við að negla okkur upp og reyna að undirbúa okkur enn betur fyrir þann leik.
Viðtalið í heild sinni má sjá hér að ofan.
Athugasemdir
