Í sumar endaði liðið í 5. sæti Pepsi-deildarinnar eftir að hafa komið upp úr Inkasso-deildinni árið áður.

Besti leikmaður liðsins og Pepsi-deildarinnar í sumar var Andri Rúnar Bjarnason. Hann jafnaði markametið og fangaði flestar fyrirsagnir.

Óli býst ekki við því að Andri verði áfram í Grindavík.

„Ég reikna með því að hann sé á förum," sagði Óli Stefán í samtali við Fótbolta.net í dag.

„Ég vona, fyrir hans hönd, að hann fari erlendis. Hann hefur unnið vel fyrir því og þetta tækifæri kemur örugglega ekki aftur hjá honum. Ég vona að hann nýti það."

„Annars tökum við gott spjall ef að það gengur ekki upp hjá honum, klárlega."

Sjá einnig:
Óli Stefán: Náðum endum saman eftir gott spjall