Í dag segist Sam sjá mest eftir því að hafa gefið landsliðsþjálfarastarfið upp á bátinn.

„Þetta er það sem ég sé mest eftir af öllu sem ég hef gert á ferli mínum sem knattspyrnustjóri," sagði Stóri Sam.

„Það er erfitt fyrir mig að tala um þetta mál af lagalegum ástæðum, það eina sem ég get sagt er að ég hefði ekki átt að yfirgefa starfið."

Allardyce var látinn hætta störfum eftir að vandræðalegar upptökur litu dagsins ljós. Á upptökunum heyrist þegar Stóri Sam útskýrir hversu auðvelt er að komast framhjá reglum á leikmannamarkaðinum.

„Þetta hefur verið mjög erfitt fyrir mig, ég er nýbyrjaður að geta horft á landsleiki aftur. Þetta hefur haft djúp áhrif á mig."