AIK mætti Jönköpings Södra fyrr í dag. Haukur Heiðar Hauksson er farinn að spila á fullu, en hann lék í þriggja mann vörn AIK í dag. Árni Vilhjálmsson sat allan tímann á varamannabekknum hjá Jönköpings.

Svo fór að AIK hafði betur 2-0, en þetta var þolinmæðisverk hjá AIK. Þeir héldu boltanum vel og nýttu sín tækifæri.

AIK er í öðru sæti, sjö stigum á eftir toppliði Malmö.

Svo var núna leik Elfsborg og Sundsvall að ljúka, en þar bar fyrrnefnda liðið sigur úr býtum.

Nafnarnir Kristinn Steindórsson og Kristinn Freyr Sigurðsson spiluðu báðir með Sundsvall, Kristinn Steindórsson lék allan leikinn á meðan Kristinn Freyr kom inn á þegar 88 mínútur voru búnar.

Sundsvall er með 27 stig í 13. sæti deildarinnar, en þeir eru aðeins einu stigi frá fall-umspilssæti.

AIK 2 - 0 Jönköpings Södra
1-0 Sjálfsmark ('49)
2-0 Nils-Eric Johansson ('85)

Elfsborg 2 - 1 Sundsvall
0-1 Peter Wilson ('7)
1-1 Issam Jebali ('58)
2-1 Lasse Lars Nilsson ('90)
Rautt spjald: Anders Randrup, Elfsborg ('90)