Borussia Mönchengladbach lenti ekki í vandræðum gegn Werder Bremen í síðasta leik helgarinnar í þýska boltanum.

Lars Stindl kom gestunum yfir á 27. mínútu og tvöfaldaði Jannik Vestergaard forystuna skömmu síðar.

Aron Jóhannsson var ekki í hóp heimamanna í Bremen frekar en síðustu umferðir.

M'Gladbach er í 5. sæti með 14 stig á meðan Werder er ekki enn búið að vinna leik, og er í næstneðsta sæti með 4 stig.